Werden Sie Mitglied bei der Historischen Gesellschaft Graubünden

Sche Vus As interessais per l'istorgia grischuna,

·      p.ex. per la genesa dal vegl Stadi da las Trais Lias

·      per las Terras subditas Vuclina, Buorm e Clavenna

·      per ils Scumbigls grischuns

·      per l'istorgia da l'emigraziun e da l'immigraziun

·      per l'istorgia dal turissem en il Grischun 

·      u per bler auter pli

... fiss la commembranza en nossa societad forsa insatge per Vus!

Nus purschain a Vus

·      invits persunals a tut nossas occurrenzas, q.v.d. referats, vernissaschas, visitas guidadas ed excursiuns,

·      mintga atun la nova ediziun da nossas annualas cun contribuziuns scientificas,

il contact cun persunas che han ils medems interess sco Vus.

Tge custa quai?

La contribuziun annuala importa per persunas singulas 70 francs. Studentas e students pajan la mesadad. Persunas che vivan en il medem tegnairchasa han la pussaivladad da daventar commembras e/u commembers sco pèr per ina contribuziun annuala da 100 francs.

En questas contribuziuns èn inclusas tut las prestaziuns surmenziunadas cun excepziun dad excursiuns pli grondas. Ma era qua surpiglia nossa societad ina part dals custs.

Annunzia

Vus pudais As annunziar tar nus cun il formular sutvart u per telefon (079 245 11 37). Sche Vus decidais da daventar commembra u commember, As regalain nus nossas annualas da giubileum da l'onn 2003 che commemorescha il bicentenari da l'existenza dal chantun Grischun "Quellen, Funtaunas, Fonti zur Geschichte des Kantons Graubünden". L'ovra commentada da 400 paginas cuntegna 230 contribuziuns da 93 auturas ed auturs. En butia custa il cudesch 75 francs.

Nus ans legrain sin Vossa commembranza.